Shillong, Jymmang 20: na ka daw jong ka jingtlot palat jong ki seng riewlum bad ka jingbym hun ia ka seng Congress kala don ka jingpynkhreh ban pynmih ia kawei ka seng sain pyrthei kaba thymmai ia kaba yn ai kyrteng da ka People democratic front.
Ka jingjop jong u kyrtong ka Nationalist People Party (NPP) u Conrad k Sangma ia ka elelction MP shiteng samoi na ka 2.Tura Parliamentary Constituency kane kala kren shai kdar ba ki paidbah ha kane ka jylla kila ngiah ia ka seng Congress bad ki kwah noh ia ka jingkylla.
Kat kum ki thymmei khubor kiba la lah ban ioh la ithuh ba ka jingpynkhreh na ka bynta ban pynlong doh pynlong sam ia ka seng PDF kala iaid mynta sha khmat da ki riew rangbah jong kane ka jylla ban ai ka jingshakri ia ki paidbah haka rukom kaba biang.
Kumba ka long mynta ki paidbah kila ngiah ia kine ki seng riewlum kiba don mynta bad kum juh ia ka seng Congress kaba khlem lah ban ai ka jingiada ia ki paidbah ka jylla kiba dei ki rit paid. U wei na ki riew rangbah kiba ia don ban sain dur ia kane ka seng la ong ba ka jingpynkhreh kala iaid sha khmat bad kaba sah ka long sa ban leit ban register bad ka Election Commission jong ka Ri India ban pan ia ka jingithuh.
