Shillong, Lber 07: Mynta ka sngi ki briew kila lap ia kawei ka met iap jong ka samla briew na Ishyrwat bad kala don ka jingsuba kane ka kynthei kala shah pyniap ha dien ba la shah leh beijot ha ki riew bym man.
Na ka liang jong ki pulit kila ong ba haduh mynta kim pat lah ban tip ia ka kyrteng jong kane ka kynthei briew bad ki dang pyrshang ban wad ban tip ia kane ka kyrteng jong ka, na ka liang jong ki pulit kila rah noh ia kane ka met sha Civil Hospital Shillong ban leh ia kaba don kam.
La ong ba haba peit na ka dur khmat jong kane ka kynthei briew kiba la shah pyniap dusmon ha ki riew runar ka dang dei hapdeng ka rta 20 bad 25 snem. Ka long kaei kaba sngewsih ba kane ka jingjia ka long shisngi ka sngi burom jong ki kynthei.
