Shillong, Jylliew 17: Ki pulit jong ka nongbah Shillong kiba dei peit ia ki kam pyniaid kali kila pynlong ia ka jingtalasi kaba kyrpang ban lap ia kiba niah kali khlem laisen ha kane ka jingkhyndang jong ki pulit la ioh kem ha ka shitaiew haduh 261 tylli ba niah bike khlem laisen bad 19 ngut ki dei kiba dang rit.
Na kane ka jingkhyndang ia kiba niah khlem laisen ki pulit kila ioh dain kuna haduh T.98,500/- tyngka, ia ki trai kali kiba ai niah ia ki khynnah yn dai kuna T.1000/- tyngka bad ka set phatok kat kumka ain. Kiba niah bike kiba don ia ka liner dei ban don lang bad u ba don ia la laisen.
