Shillong, Iaiong 14: Ki paid riew ngeit khristan jong baroh ki niam khristan kiba don ha kane ka jylla Meghalaya mynta ka sngi kila pynlong ia ki jingiaseng ban burom kyrpang ia kane ka sngi namar ba dei ha kane ka sngi la sah narphna ia u nongpynim u trai Jisu Khrist.
Ia kane ka sngi thohdieng bakhuid la niew ba ka dei ka sngi kyntang ha ka niam khristan, ban kynmaw burom ia kaei kaba la jia ia u nongpynim jong ka pyrthei arhajar snem tam mynshuwa ha kaba u la siew spah ia ki jaidbriew baroh da ka jingiap ka jong u trai Jisu halor ka diengphna.
Ki paid riew gneit jong ki kynhun niam bapher bapher mynta ka sngi kila pynlong ia ki jingiaseng kaba kyrpang ha ki iing mane ka jong ki ban pynlong ia ki jingduwai kyrpang kum shibynta ban shnoh kti lang bad jingshah shitom jong u trai Jisu.
Ha ka Balang Katholik kala rakhe ia kane ka por len ban pynkhreh kyrpang na ka bynta kane ka taiew bakhuid ban pdiang ia ka Paskha ka jingmih pat jong u trai Jisu. Ha kane ka sngi kyntang la pynlong ia ka lynti diengphna kaba kyrpang ha baroh ki parish bad ki shnat niam ban kynmaw burom ia kane ka sngi kaba kyrpang.
