Shillong, Iaiong 11: Ki dkhot jong ka Shillong Lajong FC ryngkat ki nonghikai bad kiba pyniaid ia kane ka kynhun ialehkai kynjat ball mynta ka sngi kila leit ban ia kynduh ia ki samla pule jong ka St. Edmunds College.
Ka Shillong Lajong FC kala pynlong ia shibun ki jingialehkai ha kane ka sngi bad ki samla pule katei ka college kiba dang pule ha ka kyrdan XII. Ha kane ka jingialehkai la ai sngewbha ia shibun ki jingai sha ki samla pule katei ka college.
Ki samla pule kiba la don ha kane ka sngi kila ioh ia lad ban ia kynduh ia ki khlur ialehkai jong ka kaba ki sngew tynnad bad ki ieit. Ha kane ka sngi kiba bun kila ioh ia ka jingsoi na ki players jong kane ka club.
U nonghikai ba ha khleih duh jong kane ka kynhun ia lehkai u la ai ia ka jersey sha u headmaster jong katei ka college kum ka dak jingsah kynmaw namar kane ka college kala kyrshan ratbah ia ka Club ha kiba bun ki jingialehkai.(SP News)