Shillong, Iaiong 14: U Dr K K Paul u Lat jong ka jylla Meghalaya u la leit ban ia shim bynta ha ka shad suk mynsiem kaba la long lai sngi linter ha Madan Weiking bad kane ka sngi ka dei ka sngi kut. Ia u Lat ka jylla la synran lang da ka myntri kam poh iing ka jylla ka kong Roshan Warjri, u Chief Whip jong ka sorkar u Bah RV Lyngdoh bad u Bah Titus Chyne MLA jong ka UDP.
Ki MDC kiba la ia poi lang ha kane ka sngi ki long u bah Latiplang Kharkongor EM ba dei peit ia ki kam khasii pateng jong ka KHADC bad u Bah Adelbert Nongrum MDC jong ka Jaiaw, Ha kane ka sngi da ki phew hajar ngut ki paidbah kila ia mih ban ia don bynta lang ha kane ka shad suk mynsiem kaba kut mynta ka sngi.
Ha kane ka sngi kut ki khun samla kiba la ia poi sha kane ka jingshad ban ia shim bynta na ka liang jong ki khun samla shynrangki long 475 ngut bad na ka liang jong ki khun samla kynthei kiba la ia shim bynta ha kane ka sngi kut ryngkat ka riam ka khor kaba nylla kila poi 715 ngut.
Kane ka jingshad ka long kaba ia shong kun ha kaba ki paidbah u khun khasi khara u la ia poi na kylleng ka Ri Khasi ban ia sakhi lang ia kane ka sngi ban pynpaw sha ka pyrthei bad kum ka jaidbynriew ka don la ka jong ka tynrai. Kane ka jingshah suk mynsiem ka don ar bynta kawei ka long ban ai nguh ia u nongbuh nongthaw bad kaba ar ban pan ia ka jingkyrkhu jong u nongbuh nongthaw ia ka snem kaba thymmai.(SP News)
