Shillong, Iaiong 10: Mynta ka sngi ki briew kiba ym lah ban tip ha ka por jan miet kila leit ban kawang maw ia ka iing jong ka kong Macdalyne S Mawlong ka MDC jong ka NPP na Umsning Konstitwensi.
Katkum ki khubor kiba la ioh ka MDC jong ka Umsning ka dang don ha phyllaw iing bad ka dang kren phone hynrei kynsan la saw ba don ba kawang maw bad la jan dei ia ka bad ha kata ka por kala rung noh sha poh iing.
Haba kren ha u SP News Agency ka kong Macdalyne kala iathuh ba ki briew kiba ym lah ban iathuh kila kawang maw ia ka iing kila jan dei ia ka namar ba ka ieng ha phyllaw iing bad mar kumta kala rung noh sha poh iing
Haba ia dei bad kane ka jingjia ki pulit kila leit bran bran sha iing jong ka MDC ban pynlong ia ka jingtohkit ha kaba ia dei bad ia kane ka jingshah kawang maw ka iing jong ka MDC ka Umsning.
