Shillong, Lber 28: Na ka liang ka seng ha ka jingialam u Vice president ka seng kmie u samla Shemphanglang lyngdoh mawphlang ryngkat lang ki dkhot ka seng ki la leit ha ka ophis National Institute of technology (NIT ) KI la leit ban ia kynduh ia u Director u Prof B.B.Biswal bad ki la ia kren sani bha halor katei ka phang bad hadien kane na ka liang u te u nongialam ka seng haba kren ha ki lad pathai khubor u la ong ba hadien ba ka seng ka ioh jingtip lyngba ka website ba ka NIT ha ka 1tarik ba ka ne ka institute kan pynlong ia ka foundation day jong ka NIT , bad u la ong ba na ka liang jong ka seng ka dap da ka jing sngewsih ba ka shitarik ka hap ha ka Easter Sunday.
Kane ka kren shai ba ki bor pyniaid kim burom shuh wat ia ka sngi khuid kaba la ju ong ka Easter Sunday , hadien ba ki la wan kynduh ia u director ka NIT u la ai ka jingkular ba na ka liang ka jong u katba lah u rah noh ha ka sngi kaba bud ia kane ka program ka ban long ha ka shitarik bad un hap ban ia kren bad u Governor namar ba ha kane ka sngi u lat hi un long u kongsan jong kane ka program.
Na na ka liang jong ka seng ka la phah ia ka khubor sha u lat ba u dei ban burom ba u kum u khlieh jong ka jylla ba un burom ia ka sngi kyrpang ia ki kristan lane jong kiwei kiwei ki niam na ka liang jong ka NIT ki la ai ka jing kular ba kin leh katba lah ban ia kren bad u lat ka jylla ban pynlong noh ha ka sngi ka ba bud ia kane ka function ban celebrate ia ka foundation day jong ka NIT.
La ong ruh ba na ka liang jong ki bor jong ka NIT bad ki khlieh jong kane ka institue ba lada ki iaid sha khmat ia kane ka program na ka liang ka seng ruh kan iaid sha khmat ha kaba ia dei bad ka jing pyrshah ia kane ka function , u la buh ruh ka jing kyrpad ia u lat ka jylla ba u dei ban sngewthuh jong ki niam bapher bapher kiba don hapoh ka jylla namar dei ma u khlieh duh jong ka jylla .
