Shillong, Naiwieng 24: U wei u khynnah ba dang 17 snem ka rta na ka shnong Lakadng jong ka East Jaintia Hills District u la wan ban pyndem ia lade ha khmat jong u superintendent jong ki pulit jong ka East Khasi Hills District ha ka23 tarik mynta u bnai.
Une u khynnah u leit ban aiti ia lade sha u heh pulit jong ka East Khasi Hills da kaba kamb a u dei u dkhot jong ka seng HNLC, hynrei ym shym la wan rah tair ei ei ryngkat bad u. Ha kane ka jingwan pyndem la ong ba u la pyniasoh ia lade bad kane ka seng HNLC lyngba ka Facebook.
La ong shuh shuh ba u la ong ha kane ka seng dang hynniew bnai mynta, ka jingiakynduh jong u bad ki nongialam jong ka seng ruh ka long lyngba ka Facebook. Na ka liang jong ki pulit ki ong ba kane ka seng ka pynrung dkhot wat ia ki khynnah.
Na ka liang jong u Bah M Kharkrang SP jong ka East Khasi Hills u kyntu ia ki kmie ki kpa bad ia ki nongri nongsumar ba kin da peit bha ia la ki jong ki khun ki kti ka jong ki ha kaba pyndon kam ia ka Facebook ha kaba ki pyndn kam ia kine ki lad jingtip.
