Shillong, Rymphang 18: Bun na ki Paidbah Nongshong Shnong jongka Shnong Mawsynram ki la iam lynniar ynda haba la wan jia wan hap ka jingkyrduh um kaba la ktah haduh katta haduh kat ban rah ia la kajong ka Pliang Ja shapoh ka Wah banleit sait.
Ynda haba nga la shem bad lap da la kijong ki khmat haba nga poi hapoh ka Shnong nga sakhi halor kiba bun ki bynta kat haduh ban hap shu thied noh ia ka Umbam Umdih na kiwei pat ki Jaka. Kane kala long ka jingeh kaba khraw kaba la ktah khamtam ia ki Paidbah Nongshong Shnong kiba Duk ba Kyrduh halor kiba bun ki liang kumjuh ruh haduh ba kimlah shuh ban thied Umbam Umdih na shawei.
Kiba bun na ki paidbah ki la pyrshang ban thied ia ka Um ha ka dor kaba rem da kaba la sakhi ba ki Nongtong Um kiba wanrah ia ka Umbam Umdih ki hap ban leit kit naduh na jngai haduh ba ka la Shongdor kumba Rs. 1,000 /- (Shihajar Tyngka) tang kumba 1,000 Litre.
Nakaliang jongnga ha kine ki sngi nga la ioh ban iakynduh bad pynsngew ruh sha U Executive Engineer (EE) kumjuh lang sha u SDO ba dei khmih shapoh katei ka thaiñ lyngba ka tnad treikam ka Sorkar Jylla ka Public Health Engineering (PHE) ha kaba iadei bad katei ka jingeh kaba ki paidbah nongshong shnong ki iakynduh khamtam ha kaba iadei ha kum kane kapor Tlang kaba mynta kaba lah ban ktah jur hapdeng ki Longïing Longsem kiba duk ba kyrduh.
Ka jingujor ka jongnga shapoh ka tnad treikam jongka Sorkar lyngba ka PHE kalong ban buhð jingkylli ba kaei kadaw kaba la wanrah haduh kat katei ka jingeh ia ki paidbah jongka thaiñ ban kyrduh um haba ka Pyrthei kylleng sawdong ka tip bad sakhi kum ka Shnong ba jur slap ha pyrthei?, shuh shuh ruh nga la kylli halor ka jingwan jongka Central Government project Jal Jeevan Mission.
Ka jingkylli ka long balei ka pynlong haduh kumtei haba katne la pyntyllun ia ki kam ban trei? Ka jubab lyngba ka tnad treikam jongka PHE kalong ba dei tang namar ba dang duna palat ki jaka pynlang Um kum ki Tyllong Umbam Umdih ban ioh hapoh ka Shnong Mawsynram kaba la pynlong haduh ban wanrah ia ka jingkyrduh Umbam Umdih.
Na ka liang jong u Engineer u la ong ruh ba hapoh katei ka Shnong khlem la ioh lad lyngba ka project ban thaw ia ki tyllong Umbam Umdih ne ki jaka ban ring um hynrei la ioh ban thaw thymmai tang ki Top Um lem bad ban shu pynring um hapoh ki Tnum ïing jongki Briew.
Ynda haba la ioh ban iakren sani bad u Engineer kumjuh lem bad u SDO jongka Tnad Treikam jongka PHE ki la buh ka jingkular ba ynhap ban pyrshang ban wat ki lad bad ki lynti halor kano ka rukom ban thaw ia ki Tyllong Umbam Umdih na ka bynta ban wanrah ia ka jingshongsuk shongshngaiñ jongki Paidbah ka thaiñ ha kaba iadei bad kane ka jingeh kaba ki iakynduh manla kapor.
Halor kane ka bynta, nga la ioh ruh ban pynsngew teng shapoh ka Dorbar Shnong Mawsynram halor ka jingeh kaba ki paidbah ki iakynduh haduh wat tang ban ioh pyndonkam noh satang 2 ne 3 tylli ki Wah Shnong ban leitsum leitsait, hynrei kumba nga sakhi haduh kat kine ki sngi ba mynta ka dang iai sah kumjuh khlem da shimkhia eiei ruh em lyngba ka Shnong namar ba la bun ki Politicians kiba la pynlong noh kum ka Tnat Khaïi pateng.
U bah Banshai Marbaniang u la ong shuh shuh haduh kat ban dang wanrah ia ka jingkyrduh um sha ki Wah Shnong khamtam ha kaba iadei bad kiba bun ki paidbah Nongshong Shnong kiba dang hap ban leitsum leitsait shaki Wah ba marjan jongka Shnong pynban katba ki Wah Shnong kila dang duna um haduh ban jah noh da ka jingpyntreikam bun rukom lyngba ka skhim MGNREGA (Ka 100 Sngi ba ju khot paidbah).
La ong ba u la pynsngew ruh ia kane sha ka shkor jongki Nongmihkhmat kum U Bah Ollan Singh Suin uba long MLA uba la mih napoh ka Party UDP lem kumjuh ruh sha u Bah Alvin K. Sawkmie uba long u MDC ba la mih napoh ka Party NPP lyngba jongka Mawsynram Constituency ba kin shimkhia da kaba ynwad ki lad ki lynti kumno ban weng ia ka jingeh jongki Paidbah jongka Constituency.
Ba kin ialeh ban wanrah ki jingkyrshan katkum ki jingdonkam lyngba ki bor jongka Sorkar bad ban weng ia ka jingsngew Political Party (Ideology) da kaba ieng ban treikam katkum ka bynta hapoh ka phang ba “Khlem ka Party da Jinglaitluid halor ka Ri Synshar Paidbah (Partyless on Democracy)”.
Katkum ka bynta ba donkam ha kaban wanrah ka jingsngewtynnad ia ki paidbah kiba long ki Nongjied ban phah shapoh ka Assembly ne District Councils ruh kumjuh.
Nakaliang jong u bah Banshai u ieng ban kren bad pynpaw shai halor ki mat ki bynta kiba nga dei lada phai katkum ka “Fundamental Rights, Directive Principles bad Fundamental Duties” jongka Riti Treikam (Constitution) jongka Ri Synshar Paidbah kaba la tip kum ka Ri India. Khublei Shibun Ba burom iaphi Bah Banshai Marbaniang Meghalaya State Social Activist
