New Delhi Naiwieng 26: Ia ka jingsam ia u khaw rashon sha ki paidbah nongshong shnong jong ka Ri India la ia treilang hadpeng ka sorkar pdeng ki sorkar jylla bad ki Union Territory. Ia ka bor ban ai jingbit mano ban sam ia u khaw pat la ai bor sha ki sorkar jylla.
Na ka liang jong ka sorkar pdeng ka la buh ia ki kyndon kiba thymmai ha kaba ia dei bad ka jingsam ia u khaw rashon. Ka kyndon kaba nyngkong eh ka long ba kano kano ka jaka kaba la don 2000 ngut ki nongshong shnong ka dei ban don ia kawei ka jaka sam khaw rashon.
Haba ia dei pat bad ki jylla riewlum la ong ba kane ka jingdon ki briew kam da thew eh hynrei ka jingsam ia u khar rashon kam dei pat ban jngai palat ia ka lai kilo metter na ka jaka sam khar bad ka jaka kaba shong ki briew.
Ban pynsuk shuh shuh ia ka jingsam khaw ba ki briew kin ioh ia kane ka jingai jong ka sorkar ha ki jaka rilum dei ban buh ia ki kali ruh ba kin leit sam ia u khaw sha ki jaka ba kham jngai. Ia kane ka jingbuh kyndon thymmai jong ka sorkar la ai jubab da u myntri khynnah ka sorkar pdeng ba dei peit ia tand sam bam hapoh ka iing dorbar parlimanet mynta ka sngi.(SP News)
