Shillong, Jymmang 17: Ka election shiteng samoi sha ka 2-Tura Parliamentary Constituency, ha kaba ki paidbah da ka jingshongshit kila iamih ban pyndep iala ka kamram jong ki ban jied ia u ne ka nongmih khmat sha ka dorbar bah jong ka Ri India, kaba la sah thylli da ka jingkhlad noh jong u Purno A Sangma u ba la mih khmat ia katei ka jaka la shiphew sien linter.
Ka jingpoi ki paidbah ban thep vote haduh 75 percent tam kala wanrah ia ka jingeh ha ki nongpeit pyrman mano ban jop ha kane ka election la kan dei ka kyrtong jong ka Congress, ka Dikanchi D Shira ne u kyrtong jong ka National People Party (NPP) u Conrad K Sangma namar ka jingiakhun ka long para marwei.
Bun naki nongialam jong ka seng Congress kila pynsngew ba ka jingiakhun ka long kaba jwad ha kaba kimlah ban ong ka la kyrtong jong ka seng kan jop ne em ha kane ka elelction, katba na ka liang jong ka NPP ruh kim nud ban kam lakin jop namar ka jingiakhun ka long kaba jwad ban sngewthuh.
Kiwei pat ki nongpeit pyrman ki pynsngew ki ong ban batai mano ban jop ymlah ban ong hynrei kumba ka paw ki paidbah ki kwah ia ka jingkylla bad ymlah ban sngewthuh ia kane ka jingkwah ban kylla ha kano ka bynta namar kine ki kyrtong baroh ar ngut ki dei kiba dang thymmai baroh ar ngut .
