Shillong, Nohprah 20: U Bah Sounder Strong Cajee mynta ka sngi u la leit ban pyniasoh bad ka party NPP ha dien ba u la mih noh ka seng BJP, la pdiang burom sha ka party NPP da u Dr WR Kharlukhi president jong ka NPP Meghalaya state Unit ha ophis treikam jong ka seng.
U Bah Sounder ha dien ba u la iehnoh ia ka kam president jong ka FKJGP, u la seng ia la ka jong ka party ka People Democratic Movement (PDM) ha kaba kane ka party kala jop lai ngut ki MLA bad ia la de u la long u MDC jong ka Mylliem Constituency.
Ha dien ba ka PDM kala jah noh, u la leit ban pyniasoh ia lade bad ka seng Congress, ha dien kata u la poi sha ka seng BJP bad mynta u la leit ban pyniasoh ia lade bad ka NPP. Lah ban kdew hangne ba u Bah Rowell Lyngdoh ruh un sa leit ban pyniasoh sha ka party NPP.
