Nongpoh, Ïaïong 03: U Bah Field Marshal Mawphniang, MDC barim ka Umroi Constituency, u la pyntip ba u la iehnoh noh ia ka jingiadei ka jong ubad ka United Democratic Party (UDP), Ri-Bhoi district, ha kaba u la bat baroh shi katta ia ka kam kum u Joint Secretary katei ka Party, ha kaba ia ka shithi iehnoh kam jong u, un sa aiti lashai ka 4 tarik Ïaïong, 2014, sha u president ka district.
Haba iakren bad u nongthoh khubor, u la ong ba um don daw ei ei kaba pyrshah ia ka UDP, hynrei u la shim hi ia ka rai ban iehnoh noh ia ka jingiadei jong u bad katei ka Party ha kane ka kynti ba mynta bad ba u don ruh ia ka jingthmu ban kyrshan ia u Dr Prechard Baldwin Macdonald Basaiawmoit uba ia khun ia ka MP elekshon sha ka Lok Sabha mynta u snem, na ka 1-Shillong Parliamentary Constituency.(SP News)
