Shillong, Jymmang 6: U myntri ba rim jong ka sorkar jylla u Manas Chaudhuri u lamih noh na ka jinglong dkhot na ka seng Congress, ia kane ka shithih la phah sha u president ka MPCC u Bah D D Lapang ha ka saw tarik mynta u bnai.
Ha ka khubor ba la phah sha ki lat pathaikhubor, u la ong ba ka jingmih noh ka jong u ka long ba ym hun ia kane ka jinglong ka seng Congress ha kane ka jylla kumba ka long mynta.
U Manas u la jop ar sien kum u MLA shimet na Mawpren Constituency bad ha u snem 2012 u la rung sha ka Congress bad u la ia khun ia ka elelction na ka seng Congress hynrei um shym la poi sha ka jingjop
U la ong ba ia ka jinglong jingman jong ka seng Congress ha kane ka jylla Meghalaya kumba ka long mynta ki don bun ki dak kiba hap ban buh jingkylli, hynrei ha ka khubor kaba la phah ym shum la iathuh la un leit pyniasoh ne em bad ki wei ki seng saiñ pyrthei.
