Shillong, Ïaïong 04: Kawei ka Tata Sumo kaba don ia u registration no. AS 01 W 9005, kaba wan na Guwahati ban kiew sha Shillong, ka la ia tyngkhuh bad kawei ka trok kaba don ia u registration no. MH 04 GC 3376, kaba wan mar pyrshah bad ka, hajan ka ophis Sericulture Nongpoh, Ri-Bhoi district, kaba la jia hynne ka step ha ka por 7 baje.
Ha kane ka jingjia, ar ngut ki briew kiba shong ha katei ka Sumo ki la mynsaw jur bad kiba la tip kyrteng kum u Repa Temjen (64 snem) bad u Surat (35 snem), baroh ar ngut la kit mar mar da ka kali ambulance
jong ka 108 Emergency Service sha Nongpoh Civil Hospital, ha kaba ia u Repa Temjen la kynriah noh sha Shillong Civil Hospital, namar ka jingmynsaw jur palat jong u.(SP News)
