Tura, Naitung 17: Ki pulit jong ka jylla Meghalaya mynta ka sngi kila ioh ban pynpra sa kawei ka ktem lehnoh jong ki GNLA ha ka shnong Warima Songmagre kaba don ha Jan Chokpot ha South Garo Hills.
Ha kane ka jingleit kyndang jong ki pulit ia kane ka ktem jong ki GNLA kala don ka jingiather kuli hapdeng ki pulit bad ki lehnoh ha katei ka jaka bad kane ka jingiasait kala neh kumba 25 minit. Ha kane ka jingiasiat ar ngut ki lehnoh jong ka seng GNLA kila mynsaw hynrei kila ioh ban phet na kane ka jaka.
Ki pulit kila ong ba kane ka jaka ka dei ka ktem jong u Jangjang bad u Kongsil. Ki dkhot ka seng GNLA ki don kumba 15 haduh 17 ngut ha kane ka ktem jong ki. Na kane ka jaka ki pulit kila ioh ban kurup kawei ka suloi bad shibun ki kuli kiba khlem pat pyndon kam.(SP News)
