Shillong, Lber 14: Ki shipai BSF kiba don ha West Jaintia Hills kila treibor bah ban khanglad ia ki jingiakhaii beain na India sha Bangladesh bad kiwei kiwei ki kam sniew ha khappud bad ka thie ka ri la ka long ha ka por miet ne por sngi.
Ha ka sngi nyngkong katba ki shipai BSF ki dang ialeh ban khang ia ki nongkhaii bein ha ki thain Nongkhen jong ka West Jaintia Hills District ki khar Bangladesh kiba la ia lum ha katei ka jaka kila kawang maw ia ki BSF da ka jingthmu ba kin ioh rah ia ki mar khaii sha Bangladesh.
Ha pdeng kane ka jingkawang maw ki briew na Bangladesh ki BSF kim shym la kynran dien kila tur sha khmat bad ha kane ka jingjia ar ngut ki shipai BSF kila mynsaw ha kane ka jingshah kawang maw, hynrei ki BSF kila kiar na ka jingpyndon kam ia ki suloi ban lait na ka jingiap briew.
Ha kane ka jingialeh ki khar Bangladesh ki la phet krad bad kila iehnoh ia ki tiar khaii beain na katei ka jaka ki BSF kila ioh ban kurup T.70 hajar tyngka, kine ki BSF kiba la mynsaw kila ia khun haduh ba khlem ai lad shuh ia ki nongkhaii beain kin ioh ban khaii beain.
