Shillong, Nailar 24: U MP jong ka Tura u Conrad K Sangma mynta ka sngi u la leit ban ia kynduh ia u Chief Secretary jong ka jylla u KS Kropha bad ha kane ka jingiakynduh u tei u MP, u la ujor ba ki paidbah ki la shah shoh shah dat ha ki suba lehnoh GNLA kham tam eh ha East Garo Hills.
Haba kren ha ki nongthoh khubor mynta ka sngi u la ong ba, ki paidbah kiba la mynsaw kila kot sha ka 20 ngut ei ei, u wei u la khlad noh u ba dei u nonghikai skul, saw ngut mynta ki don hapdeng ka jingshah sumar ha Williamnagar Civil Hospital bad 15 ngut kiwei kiba la mynsaw.
Ha kane ka jingiakynduh ia u Chief Secretary, u Conrad u la kyntu ia ka sorkar ba ka dei ban pynbiang ia ki pulit ban ai jingiada ha katei ka thain Williamnagar namar ki paidbah mynta ki don ha ka jingshong syier, u la ong ba u la wan dale na katei ka thain ban ia kynduh ia ki paidbah.
