Mynsaw saw ngut ha ka jingiatyngkhuh kali ha hynniew mer Upper Shillong

Shillong, Jylliew 28: Saw ngut ki briew kila mynsaw ha ka jingia tyngkhuh kali kaba la jia ha 6^th Miles Upper Shillong. Kane ka jingiatyngkhuh ka long ha pdeng ka  tourist taxi Alto 800, ML05 N 5421 kaba wan na Shillong ban hiar sha 7^th Mile ha kaba kala leit ban tynrah ia ka  local taxi Maruti 800 ML05 K 4780, kaba dang wan kiew na kawei ka liang.

Kane ka jingjia kala jia ha ka por kumba khatwei baje duna ei ei mynstep, kiba la mynsaw ha kane ka jingia tyngkhuh kali ki long u Bah  Donbor Kharkongor 45 snem na ka shnong Mawkhan, u bah Baster Nongbet 26 snem na ka shnong  Mawnianglah, ka kong Kolleat Mylliemumlong 45 snem na ka shnong Lawmei bad u samla Carelyborn Nongbsap 19 snem na ka shnong Umlyngka. Ia ki baroh la pynkit sha Pomlum CHC da ka 108 Ambulance.