Shillong,Naitung 26: Mynta ka jan miet ki pulit jong ka Utter Pradesh kila ioh ban kem ia u Bernard N Marak tang hapdeng khyndiat kynta ba ki pulit jong ka jylla Meghalaya kila phah jingtip sha baroh ki Jylla.
U Superintendent ki pulit jong ka West Garo Hills ula pyntip hal or kane ka jingioh kem ia u Bernard N Marak na Utter Pradesh, la iathuh ba mynta u la don ha kti ki pulit jong kate ka jylla.
Ka jingthwet ki pulit ka jylla ia u Bernard kala halor ka jingkynnoh bala pyndon kam bakla ia ka Edenbari Resort kum ka ja ka leh kam awaria, ki pulit kila bthah ba un aiti ia lade ha Sardar Police station Shillong hynrei u la kynnoh kylla bad phet rih. ki pulit kila khynra ia ka Edenbari Resort haka 22/7/2022.
Ki pulit jong ka West Garo Hills kila ioh ia ka hukum na Chief Judicial Magistrate, Tura ban kem ia u Bernard bad yn nym shah ban bah Jamin, hal or kane mynta ka sngi la phah sha baroh ki jylla bad Union Territory ban kem ia u bad mynta jan miet la ioh kem na Utter Pradesh, ki pulit ki hap ban pynbiang ia ki kyndon ban wanrah sha Meghalya.
