Shillong, Naitung 28: Mynta ka sngi 136 ngut ki samla kila pyndep ia ka jinghikai ha ka kam shipai hapoh jong ka Assam Regimental Centre bad kane ka kynhun shipai ka dei kaba 321.
Kum ka dak ban pyni ba kitei ki samla kila long kiba la pyndep ia ka jinghikai bad kila long kiba la bit la biang ban rung ha ka kam shipai, ka ARC mynta ka sngi kala pynlong ia ka jingkilan met ia kine ki shipai ha ka jingiadon lang kiba ha iing ha sem jong ki samla kiba la ioh rungha kane ka kam shipai.
Ia ka jingshim ia ka parade ban pynrung ia kine ki samla sha ka kynhun shipai la leh da u Brigadier RK Gaikwad, commandant jong ka ARC. Ha ka jingkren ka jong u tei u heh shipai u la ai ka burom ia ki samla kane ka thain kaba ki la lah ban rah ia ka burom jong kane ka kynhun shipai ha baroh kine ki snem kiba la leit noh ha kaba kila pynia ka mynsiem kum ki shipai.
Ha dien kane ka jingpynrung ia ki ha ka kam shipai la pynlong ia ka jingrwailang jong kine ki shipai ba dang rung thymmai ia ka jingrwai thma jong ka ARC, ha kaba kila ia rwai da ka jingkmen kum ka dak ba mynta kila long ki shipai ba pura.
