Shillong, Lber 28: Mynta ka sngi ka tnad ka koit ka khiah kala pyntip ba la don wei ba test COVID-19 positive na East Garo Hills District, kiba dang shitom na kane ka jingpang baroh ha ka jylla ki dang don 38 ngut bad kiba shah sumar ha ki Hospital ki don 8 ngut.
Kiba la ioh ia ka jingkoit na kane ka jingpang ki don 7 ngut, na East Khasi Hills 6 ngut, na West Jaintia Hills 1, kiba la koit baroh na kane ka jingpang naduh ba sdang haduh mynta ki long 92128 ngut.
Kiba khlad na kane ka jingpang katkum ki District, East Garo Hills 17, East Jaintia Hills 38, East Khasi Hills 1075, Eastern West Khasi Hills 8, North Garo Hills 9, Ri Bhoi 98, South Garo Hills 13, South West Garo Hills 20, South West Khasi Hills 20, West Garo Hills 80, West Jaintia Hills 139, West Khasi Hills 76 ngut.
