Shillong, Iaiong 21: Mynta ka sngi u Myntri Rangbah barim, bala long ruh u Lamphang barim ka ing dorbar thwain ka jylla u bah J.Dringwell Rymbai 87 snem la khlad noh, u la ieh sha dien ia ka kurim ki khun bad ki ksiew.
U bah Rymbai u la long u la jop ia ka MLA na Jirang Assembly Konstitwensi san sien lynter, u la jop nyngkong ha u snem 1988 na ka seng Congress bad u la jop na kane ka seng haduh u snem 2003, ha u snem 2008 pat u la jop na ka party UDP.
Ha u snem 2006 u la shah jied kum u mytnri rangbah ka jylla bad la bat ia kane ka kam haduh u snem 2007. Ha kine ki snem jong ka jinglong MLA u la bat kumu myntri kabinet ha ka sorkar jylla bad u la shah jied ruh kum u Lamphang ka iing dorbar thawain ka jylla ha u snem 1993. Ia u bah J D Rymbai la kha ha u snem 1934.