Shillong, Rymphang 27: Ki bor ba dei peit ia ka jingwad ia ki briew kiba la shah bam hapoh krem dewiong ha Khsan ha East Jiantia Hills mynta ka sngi kila pyntip ba mynta ka sngi la ioh ban sei sa kawei ka met iap na katei ka kren dewiong kaba don ha Khsan ha East Jiantia Hills District.
Ha kane ka jingialeh jong ki bor sorkar ba ioh sei biang ia ki met jong kito kiba la iap ha kane ka jingshah ban ha ka krem dewiong ha Jiantia la duh mynta la lah ban shem tang saw tylli na ki 15 tylli kumba la pynbna mynshuwa, ia kiba la lah ban sei haduh mynta ki long ar tylli.
Na ka liang jong ki bor sorkar lyngba ki briew kiba la don ha kane ka jaka kila trei shitom da kaba pyndon kam ia ki kor ki bor jong kane ka juk kaba mynta kum ki camera ROV ki ban peit hapoh um ban wad ia ki met kiba la shim ba baroh ki la iap.
Ha dien ba la pyndep ia ki jingdon kam baroh katkum ka ain la aiti ia ka met kaba la ioh sei mynta ka sngi sha ki pulit jong ka jylla bad ia ka met la rah sha Khliehriat CHC ban leh ia kaba don kam.
