Shillong, Naitung 06: U myntri ka tnad ka koit ka khiah u Bah AL Hek mynta ka sngi u la iathuh, ki briew kiba la test COVID-19 Positive mynta ka sngi ki long 8 ngut, ha East Khasi Hills District 6 ngut, 5 ngut ki ki dei ki shipai BSF, 1 u dei ba leit jingiathoh ha Green Wood Resort ha Assam u ba dei na Shillong.
Kiwei pat, u wei dei na Ri Bhoi District u ba ia jan bad u trei hapoh Green Wood Resort Assam bad u wei pat dei ba wan phai na shabar ka jylla u dei na West Garo Hills District, kumta kiba la test COVID-19 positive mynta ka sngi ha ka jylla ki long phra ngut.
U Bah Hek u la iathuh ba baroh kiba leit sha ka jingiathoh sha Green Wood Resort ha Assam na ka jylla Meghalaya ki don 41 ngut, na kine 38 ngut la tested bad ki long Negative bad ar ngut ki dang ap ia ka reslot, katba u wei la test COVID-19 Positive.
Ka jingdon jong kiba shitom ha ka jylla baroh ki long 36 ngut, 18 ngut ha East Khasi Hills District, 12 ngut ha Ri Bhoi District, 2 ngut ha SWGH District, 3 ngut ha WGH District bad u wei ha East Jaintia Hills District. Kiba la koit baroh ki long 43 ngut.
