Shillong, Nailur 04: Shi sngi shuwa ban rakhe ia ka sngi burom jong ki nonghikai , u Lat ka jylla u la khot ia ki principal jong ki college bapher bapher jong kane ka nongbah shillong, ki nonghikai bad ki khynnah ban ia kynduh ban ia bad ki ha Rah Bhavan.
Haba kren ha kane ka jingiakynduh bad ki, u Lat ka jylla u V.Shanmuganthan u la ong ba ki nonghikai ki dei ki nongsain dur ia ka lawei jong ki khynnah bad ha kum ka sngi burom ia ki nonghikai ka dei ka sngi ban ai burom ia baroh kito ki nonghikai kiba la aiti bad len lade ha kane ka kam naka bynta jong ki khynnah skul.
U Lat u la ong ba ka jingjop kaba khraw tam ha u briew ka long, haba u briew u lah ban tehlakam ia lade, u nonghikai u ba lah ban pynrung ia kane ka mynsiem ha ki khynnah skul, bad u ta u khynnah skul un long u riew khraw.
“ Nga ngeit ba ha kumne kane ka juk kaba mynta ngi don kami a ki nonghikai kiba kiba lah ban khring ia ki khynnah ha ka mynsien ban len lade, ka jingiashah, ka jinglong kylluid ha ka jingpyrkhat, kiba sngewthuh bad ka jingkitkhlieh bad ka jingiatip lem, kine kin tei ia ka lawei jong ka Ri.” La ong u Lat.
Ha kane ka sngi la sam ruh ia ki khusnam halor ka jingiakop thoh essay ha kaba ia ei bad kane ka sngi burom jong ki nonghikai,ki nongjop ki long u Shubhankar Choudhury jong ka Laban Bengalee Boys’ Higher Sec. School, u ba la wan ba nyngkong , katba ka Lydia Grace Sawian jong ka Pine Mount School bad u Banteilang Hahshah jong ka Pearly Dew Higher Sec. School kila wan baa r bad balai.
