Shillong, Jylliew 02: U myntri rangbah ka jylla u la ong ba ka sorkar kan sap lie paidbah ia ka “Football Mission” mynta u bnai, kane ka long ban pynshlur ia ki samla ialehkai kane ka jylla ba kin kiew ha kane ka bynta, ka jylla ka don ia lad ban kiew ha ka Ri India ha kane ka kam ialehkai kynjatboll.
U myntri rangbah u la ong ba ka jylla kan nym lah ban iaknieh ia ka jinglong nongialam ha ki kam Cricket, hynrei ha ka liangjong ka jingialehkai kynjatboll ka jylla Meghalaya kan don ia ka lad ban kiew, dei halor kane ka nongrim ba ka sorkar ka sa khim khia ban buh ia kane ka “Mission Football’.
Ka jingieit jong ki briew ia kane ka jingialehkai ka dei kaba la slem bha bad mut dur tang ka Meghalaya Football Association (MFA) mynta kala dap shispah snem. Dei halor kane ka nongrim ba ka sorkar ka shim ia ka rai ban sdang ia ka mission football.
Lyngba kane ka Mission Football ka sorkar kan sa wad kilad ki lynti kumno ban shna ia ki jaka ialehkai ha ki dong ki thain sdang na ki Block, sha ki District bad ha ka state level.
