Shillong, Iaiong 10: U myntri ba dei peit ia ki kam ialehkai ka jylla u Zenith Sangma mynta ka sngi u la buh i
a u Mawnongrim ban tei ia ka iing skul ha Salmapara jong ka SWGH District haka jinglut kaba T.1.15 klur tyngka naka bynta ban ai ka jinghikai kaba bit ba biang ia ki khynnah.
Haba kren ha kane ka sngi kum u kongsan u Zenith myntri ba dei peit ia ki kam ialehkai jong ka jylla u la ong ba ia kane ka iing skul la bei pisa lyngba jong ka ADB, ka Salmanpara Secondary School ka hap hapoh jong ka Zikzak C&RD Block jong ka SWGH District. Kumban pynkynmaw ba u myntri kam ialehkai bad u WD Sangma ki dei ki khynnah skul ba rim jong kane ka skul.
Ia kane ka skul la sdang ha u snem 1970 bad la kyntiew kyrdan ia ka sha ka Secondary ha u snem 1993. U myntri u la kren ia ka jingthmu jong ka sorkar bad kaei kaba ka sorkar kala ia leh na ka bynta ban kyntiew ia ka pule puthi ha kane ka jylla. La ong ba ka jylla baroh kawei kala ioh ia kane ka pisa na ka ADB ban tei ha duh 117 tylli ki skul. Ha kane ka sngi la batai ruh ia kiwei kiwei ki skhim kiba ka sorkar kala leh na ka bynta jong ki paidbah ka jylla.
Ha ka jingkren jong u MLA kane ka jaka u W.D. Sangma, u la pynpaw ia ka jingsngew kmen ka jong u ba ki paidbah jong ka Salmanpara kila ioh ia kane ka jingmyntoi bad u la kyntu ia ki paidbah ba kin ai ia ka jingiatrei lang ban lah ban pyndep kloi ia kane ka kam. Ki paidbah kid ei ban don ka jingsngew ba kane ka dei ka jong ki kum la ka jong. Kiwei kiba la ia don lang ha kane ka sngi ki long u MDC ka Dengnakpara konsitwensi u Sadhiyarani Sangma, u DC u Bah C V D Diengdoh, u headmaster jong ka skul u RA Sangma bad kiwei kiwei ki riew pawkhmat.
