Shillong, Risaw 05: Kat kum ki khubor kiba la phah da na ka sorkar mynta ka sngi la iathuh ba briew jong ka SRDF kila lah ban sei ia baroh ki briew kiba khlad ha ka jingshah ban khydew na ka daw jong ka jingtwa khyndew kaba la jia ha South Garo Hills District bad West Garo Hills District.
Kiba khlad na ka jingtwa khyndew baroh ki long 10 ngut, na kine lai ngut ha West Garo Hills, kiba khlad Santa N Marak 57 snem, Sarika M Marak 18 snem bad I khynnah ba dang san snem ka rta, kiba mynsaw ki don lai ngut ,ka Moralistic N Marak 28 snem, Parcella N Sangma bad Fredrick A Sangma.
Ka kyrteng jong kiba khlad long, Silji R Marak 60 snem, Merina R Marak 39 snem, Sama N Sangma 50 snem, Chengbe R Marak 22 snem, bad lai ngut ki khynnah rit, kine baroh 7 ngut kiba khlad ha ka jingban khyndew ki dei na ka juh ka iing kiba hap ha ka South Garo Hills District.
Ki don lai tylli ki District kiba la shah ktah, ki shnong kiba la shah ktah ha kane ka jinglynshop ka mariang ki long 54 tylli bad ki, ki iing kiba la shah pynjot 58 tylli, bad kiba shah ktah eh dei ka surok, kawei kawei ka PHC, kawei ka Sub Centre bad kawei ka skul.
