Shillong, Lber 31: Ki pulit jong ka Ri Bhoi District ha ka jingkhynra nap hang ia ki kali ba iaid ba ieng ha lad Umroi ha Damsait kila ioh ban kurup T. 2,00,000/- tyngka na kawei ka kali. Kane ka jingioh kurup kala ong ha ka por miet.
Da Deputy Commissioner jong ka Ri Bhoi District kaba dei ka District Election officer na ka bynta ka Ri Bhoi District, ha kren ha u SP News Agency kala iathuh ba ka dei ka jingshisha ba ki pulit jong ka Ri Bhoi kila ioh kurup pisa T.2,00,000/- tyngka.
Kane ka jingkhynra jong ki pulit ia ki kali kiba iaid ba ieng naduh ki kali kamai haduh ki kali jong ki riew shimet kala long kylleng ha man ki dang bad ki jong ki ha baroh ki district kiba hap hapoh jong kane ka 1-Shillong Parliamentary Konstitwensi.
Da kane ka jingioh kurup jong ki pulit ia ka pisa mynnin ha ka miet, ka jingioh kurup pisa hga kane ka jylla Meghalaya kala kot sha ka T.32 lak tyngka. Na ka liang jong ka election kala dep ban maham ia ki paidbah ba la khang pyrshah ban rah pisa palat ia ka T.50,000/- tyngka.
