Shillong, Iaiong 12: Ka United Muay Thai Association Meghalaya (UMTAM) ka sngew sarong ban pyntip sha ki paitbah namar ba ka la lah ban pynmih saw ngut ki rang ia kura ba kynsai jongka bad arngut ki refree bad ki nongbishar ha kaba ha kane ka kynti kin sa iohlad ban leit mih khmat na ka United Muay Thai Association India.
Ha kane ka jingiakhun ha ka kyrdan kiba la heh la san jong ki shynrang bad kynthei ha ka jingialehkai jong ka IMFA world Champion Muaythai ka ban sa long naduh ka 4 tarik haduh ka 13 tarik u bnai Jymmang 2023 ha Bangkok, Thailand.
Kine kiba la shah jied ban leit sha ri Thailand ban iakhun na ka bynta ka senior men & women IMFA world champion Muaythai. Ki dei ki ba la dep iakhun ruh ha ka National Muaythai Champions ba la pynlong ha u snem 2022 ha Shriramati Kojti Roa Power Indoor Stadium Dewas, Madya Pradesh
Kiba la shah jied ban leit iakurw ha kane ka jingialehkai kiba la heh la san jong ki kynthei bad shynrang jong ka IMFA World Champion Muaythai ki kyntup ia u samla Lapynshai Syiemlieh ha ka U-23 snem bad 48kg ka jingkhia, u samla Pynnehbor Mylliemngap ha ka Elite, bad 48kg.
U samla Edilbirt Ryndongsngi ha ka Elite, bad 85kg. Skhemborlang Marweiñ ha ka Elite bad 51kg. Ki arngut ki refree & judge ki deu u samla Anglus Sun bad u samla Pynsuklang Sumer.
U samla Anglus Sun u ba long ruh ha kajuh ka por u President ka Muay Thai Association Meghalaya u la ai ka jingiaroh ia ka sorkar Meghalaya kaba la iarap tyngka leh ia ki rang ialehkai jongka kiba la wan ialehkai myn ha kine ki sngi ba la dep na Dubai.
Ha kaba u samla Pynnehbor Mylliemngap na katei ka tournament u la ioh khur ia ki artylki ki Browne Medals. Nalor kane ruh ka Association ka la wan iakhun ruh na Malashya. na kane ka tournament ka India ka ioh 6 tylli ki Browne Medals, bad uwei u Silver Medals u ba ioh silver Medals u dei u na ma jylla Meghalaya.
Kumta une u nongialam ka Association u la ong ba ka jylla Meghalaya ka donkam ban phaikhmat ban knew jingiarap ia ki kum ka Association bad ki players haba ki leit ban iakhun ha ki tournament ba pher ba pher.
Khamtam ban iarap ban pynioh ia ki jaka training ki ba biang bad ki tiar ki tar ki ba biang ha ki por training khnang ban nang lah ban pynbha bad kum ka Association kan na h lah ban sei ia ki samla ki ba donsap.
