Tura, Naitung 15: U wei u heh pulit jong ka jylla Meghalaya u Gilbirth Marak u assistant commandant jong 2nd Meghalaya Police Battalion u ba dei peit ia ka Goeragre in West Garo Hills u la shah kem mynta ka sngi bad la set ia u ha phatok na ka bynta 14 sngi, ka jingkem ia u ka long halor ka jingkynnoh ba u la leh shaiat ia kawei ka kynthei.
Katkum ka jingujor jong kawei ka pulit kynthei kaba dang shah thung shen ha kane ka kam pulit la ong ba u Marak u la khot ia ka shnong jaka sah jong u kaba hap hapoh jong ka Goeragre bad ynda ka poi ha katei ka jaka long kynnoh ba u ne u heh pulit u la ktah kti ia ka met ka phat jong ka.
Kane kala jia ha katei ka jaka ka long ba kine ki pulit kynthei kiba dang shah hikai ki don ha katei ka jaka bad une u heh pulit u la khot ia kawei na ki. U Commandant jong ka 2nd Meghalaya police battalion,U Aditya Goenka u la ong ba kine ki pulit kynthei kila ai ia kane ka jingujor ha u bad u la ai jingmut ban aida ka FIR.
Dei ha dein jong katei ka FIR ba ki pulit kila kem ia u bad na ka liang jong ka ophis ruh leh ia ka ba don kam, une u heh pulit um dei na ka kyrdan MPS hynrei u dei u ba shu pynkiew kyrdan bad kala dei ka por jong u ban shongthaid.(SP News)
