Jowai, Naiwieng 24: U Deputy Commissioner jong ka West Jaintia Hills u la ong ba ka West Jaintia Hills District kala ioh san klur ka lut san spah bad yn sdang ban sam la shai ka sngi lyngba jong ki bank sha ki paidbah, hynrei namar ba ka dang poi duna ym pat lah ban buh ha ki ATM.
La ong ba ki paidbah jong ka District kimd ei ban khulsai ha kaba ia dei bad ka pisa namar mynta ha ki bank baroh ka pisa ka don haduh T.46.5 klur tyngka. Ka lut ar hajar ka don sawphew klur, ka lut san spah ka don san klur bad ki lut shipsah ka don shiklur shiteng.
Nalor jong kitei ki pisa ba dang poi ki don ruh ki pisa ba rim ha ki bank kum ki kot shiphew, ki pisa nar shiphew tyngka, san tyngka ki shi tyngka ar tyngka la kyntu ia ki paidbah ba kim dei ban kyntiat banshim haba ki bank ki ai. La ong ba ha kane ka tiew ban wan kan sa poi biang ka lut shi spah bad san spah sa kumba san klur ei ei.
Ka sorkar kala bethah ba naduh mynta ka miet ym lah shuh ban bujli ia ki pisa rim ka lut san spah bad lut shihajar, hynrei kaei kaba phi lah ban leh ka long tang ban thep noh ha ki account hapoh Bank ban ioh sei da kaba thymmai.
