Shillong, Nailar 30: Ka jingkylli ka long baleit ka party Congress ha Meghalaya kam pynlong ia ka election ban jied ia u president jong ka Meghalaya Pradesh Congress Committee (MPCC) U Dr DD Lapang naduh u snem 2012 haduh mynta u trei kam u Acting president jong ka MPCC.
Ki thymmei khubor ki iathuh ba ha ka 22 tarik Kyllalyngkot 2012, ki nongialam jong ka seng Congress na Meghalaya kila thoh ia ka shithi sha ka president jong ka All India Congress Committee (AICC) ka Sonia Gandhi ban ban kyrpad ia ka ba kan thung ia u Acting president namar ba u president u Dr Friday Lyngdoh bam kwai ha dwar u blei um don ia ka met kaba koit ka thiah ha katei ka por.
Ki nongialam jong ka seng Congress kiba la soi ia kane ka shithi kaba la phah sha ka Sonia Gandhi, ka kynthup ia ka kyrteng jong u MP u Bah Vincent H Pala, dei ha dien jong katei ka shithi ba ka president jong ka AICC kala thing ia u Dr DD Lapang ban long Acting President jong ka MPCC, ha kaba u trei kam kum u Acting president ka MPCC haduh kine ki sngi.
Ha dien ba la thung ia u Bah DD Lapang kum u acting president jong ka MPCC, na duh u snem 2012 ka party Congress ha Meghalaya kam pat pynlong election ban jied ia u president ba pura jong ka Meghalaya Pradesh Congress Committee.
