Shillong, Nailur 03: Ka Deputy Commissioner jong ka East Khasi Hills mynta ka sngi kala pynmih ia ka hukum ban khang nongshipor ia ki saw tylli ki dukan ha kane ka nongbah Shillong na ka daw ba la don kiba Test COVID-19 positive na ka dukan jong ki.
Katba kum kabor kaba la pynkup hapoh jong ka Meghalaya Epidemic Diseases, COVID-19 Regulations, 2020 ban ia da na ka jingsaphriang kane ka jingpang ka DC kala bthah ban khang noh shipor ki saw tylli ki dukan haduh ban da pyntip da kumwei pat.
Khnang ban wat ia kito kiba don ka jingiadei ne ka jingiajan bad u ba la test COVID-19 positive na ka bynta ka jingbit jingbiang jong ki paidbah ka Deputy Commissioner jong ka East Khasi Hills kala bthah ban khang noh shipor iaka Unique kaba don ha jan DCIC, ha Polo Short Round Road Lawmai Shillong.
Kiwei ki dukan kiba la phah khang ki long ka, Quality Auto Agency kaba don ha Keating Road, ka Elite Drugs Distributor, RPG Complex, kane ruh ha Keating Road bad ka Photo Studio kaba don ha GS Road kaba don pyrshah bad ka UCO Bank ha GS Road.
