Shillong, Rymphang 10: Ka jingthoh khana samari ha India ka juh long shisien shiphew snem bad u snem 2021 la dei ban thoh ia ka khana samari hynrei na ka daw kane ka khlam COVID-19 positive ka sorkar pdeng kala buhteng shuwa ban thoh ia ka khana samari hapoh ka Ri India.
Ka khana samari kaba khatduh kaba la thoh ka dei ha u snem 2011 bad ha u snem 2021 la dei ban thoh biang bad mynta u snem 2022 la dei ban pynbna paidbah ia ka jingdon briew hapoh ka Ri baroh kawei bad kum juh ha ka jylla Meghalaya hynrei namar bay m pat dep thoh kane ka kam kala sah teng biang.
Katkum ka khana samari jong u snem 2011, ka jingdon briew ha ka jylla Meghalaya ka long 29,66,889 lak ngut na kine ki kynthei ki don 14,75,057 lak ngut bad ki shynrang ki don bad 14,91, 832 lak ngut bad ka jingkiew jong ka jingdon briew ha katei ka por ka long 27.98%.
Khlem da pynpaw kyrteng haba kren ha u SP News Agency la ong ba ia mynta ym pat lah ban ong ia ka jingdon ki paidbah nongshong shnong ki don katno ha Meghalaya, ka jingkiew kan don kata ka dei ka jingshisha hynrei ban ong ba ka kiew da katta ym lah ban ong katba ym pat lah ban pyndep ban thoh ia ka khana samari.
