Shillong, Naiwieng 06: Ka dorbar shnong Nongtalang ka khot ia ki exporter ha ka san tarik ban sngap ia ka jingsngew ka jong ki ha kaba ia dei bad ka way bridge kaba don ha jan shnong Sohkha, namar kila don ar kynhun na ka liang jong ki nongkhaii , kiba pdiang bad kiba pyrshah.
Katkum ki lad khubor kiba la ioh da u SP News Agency , ki iathuh ba ha kane ka jingiakynduh na ka liang jong ka shnong Nongtalang kala shim ia ka rai ban leit ban ia kren bad ki bor sorkar ban pan jingshai shuh shuh halor kane ka way bridge kaba la don ha katei ka jaka.
Na ka liang jong ka sorkar , kala yntrei kam ia kane ka way bridge ha u bnai ba la dep bad kane kala wan rah ia ka jingwit ha ki nongkhaii hynrei na ka liang jong ka sorkar kala pyntrei kam ia ka ban thew ia ki kali kit mar ban rung sha Bangladesh.
Ki thymmei khubor ki iathuh b aka shnong Nongtalang kan sa pan por na ki bor sorkar lano kin ioh ban ia kynduh ban ia kren halor kane ka kam, namar kiba pyrshah ia ka way bridge ki ong ba lada dei ban leh dei ban leh lang ia baroh ym tang ha kawei ka jaka.
Na kawei pat ka liang ka pdiang ia ka rai jong ka sorkar ban pyntrei kam ia ka way bridge namar kaei kaba ka sorkar ka leh ka long na ka bynta ka jingbha jong u paidbah. Ha ka jingshisha ka sorkar kala pynmih ia ka hukum ban pyntrei kam noh ia kane ka way bridge naduh ka 22 tarik Nailur hynrei la buh teng ha duh ka 28 tarik u Risaw ba sa pyntrei kam de artad mynta ia kane ka jaka thew.