Shillong, Lber 18: Ka executive committee jong ka dorbar shnong Darrang ryngkat bad ka Darrang Tourism Promotion and Development Society ka la shim ia ka rai mynta ka ka 17th/03/20 ban khang noh shipor ia ka jingwaanrung ki tourist hapoh ka Darrang Tourist Spot.
Kane ka jingkhang ka long ia kiba wan na ki jylla bapher bapher bad kiba na bar ri ruh kumjuh na ka daw ban kiar na ka jingsaphriang une u khniang corona virus sha kane ka thain.
Kane ka rai kan treikam mardor tad haduh ban da pynmih biang da kum wei pat ka rai. Kane ka kyrwoh la pyllait da I bah Reachingson Kongwang- Chairman ka Darrang Tourism Promotion bad ka Development Socity.
