Shillong, Rymphang 20: Ka myntri ba dei peit ia ka tnad rep ka Dr. Mazel Ampareen Lyngdoh haba jubab ia ka jingkylli jong u bah Lahkmen Rymbui kala ong ba ka jingrep kwai ha ka jylla kala dang kiew katba dang mih ki sngi haba shim jingkhien ha kine ki saw snem naduh u snem 2019-2020 haduh u snem 2022-2023 ka jaka rep kwai ka long 34,410 hektar bad ka jingsoh u kwai kala kot sha ka 51,650 metrik tone bad ka jingmih soh ka long antad 1,501 kilo.
Haba shim ha ka liang jong ka jingmih ka pisa haba la die ia u kwai ha ha u snem 2019-2020 ka long T.173.03 klur tyngka bad ha u snem 2022-2023 ka jingdie ia u kwai ka jingmih ha ka liang jong ka pisa kala kot sha ka T.382.22 klur tyngka, kane ka pyniba kala kiew ka jingmih na ka repkwai namar kala dang iiar ka jaka rep kwai.
Na kaliang jong ka sorkar haduh mynta kala dep ban shna 46 tylli ki jaka pdeng kwai ha ki 21 tylli ki Block bad 10 tylli ki District ha ka jinglut kaba T.14.06 klur, na kitei k34 tylli la dep bad 12 tylli kiba dang sah, ka sorkar kala dep ban airam T.10 lakh na ka bynta kawei ka kynhun ia treilang bad baroh 46 tylli kila dep ban ioh.
Ka sorkar ka tip ba kane kane ka jingiap khlaw ki dieng kwai kaba la tip kum ka Bud Rot ha ki bynta jong ka jylla, ki nongrep kiba la shah ktah na kane ka jingiatram ki dieng kwai ki long 3581 ngut, ka sorkar kala iarap ban synreit dawai ban iada na kane ka jingpang.
Haba jubab ia ki jingkylli bynrap, la ong ba ka sorkar pdeng kala ong ba kam rep kwai kam long ka ktah ia ka koit ka khiah, hynrei na ka liang jong ka sorkar jylla kan dang bteng ia ka jingiarap namar kane ka dei ka rep tynrai jong ki paidbah kane ka jylla kumta ka sorkar kan bteng ia ka jingai jingkyrshan.
Ka myntri ka rep ka riang kala ong ba nangne sha khmat ka sorkar kan phai khmat ban pynmih ia kwai Supari ha kine ki snem ban dang wan ka sorkar kan nym iehia ki nongrep hynrei kan bteng iaka jingiarap na baroh ki lat ki lynti kiba don.
