Shillong, Jymmang 20: U Bah Witting Mawsor MLA jong ka seng HSPDP na Mawthungkut u la ong ba un ia khun ia ka election MLA 2018 wat la u hynmen jong u Bah Morning Mawsor MDC ynia khun ha ka election MLA na katei ka ja juh ka constituency.
Haba jubab ia ki jingkylli u SP News Agency, hato ka dei shisha u don ka jingthmu ban nym ia khun shuh ia ka MLA Election kaban long ha u snem ban wan sha ka iing dorbar thawain jong ka jylla, u Bah Witting u la ong ba “Ngan ia khun biang ia ka MLA Election”.
Haba jubab ia ka jingiadei bad u Hynmen la jong u ba dei u MDC u ba la pynkhreh ban ia khun na ka seng People Democratic Front kaba la ia lam da u Bah Ivanlumlang Marbaniang, u bah Witting u la ong ba kane ka dei kam politic ym lah ban khang iano iano ruh wat la ki ia dei shipara hynrei kim dei pat shipara trai.
Ban shu pynkynmaw ba u Bah Witting Mawsor MLA ha ha dien ba u la jop u la kyrshan ia la u jong u hynmen u Bah Morning Mawsor ban pynjop ha ka MDC Election na ka seng HSPDP hynrei mynta u bah Morning u la pyniasoh ia lade bad ka seng PDF kaba dang mih thymmai bad kan long ka sien kaba nyngkong ba kane ka party kan ia khun ia ka MLA Election ha u snem 2018.
