Shillong, Kyllalyngkot 11: Ka kong Bell kawei na kiba ha iing jong ka khynnah kaba la shah leh beijot ha ki 6 ngut ki briew ha ka shnong Mawryngkneng ha ka shitarik mynta u bnai, ha ba kren ha shuwa ban sdang ka People’s Rally mynta ka sngi ha Mawdan Iewrynhep kala ong ba kan nym shah ia ka shnong Mawryngkneng ba ban pyndon kam da ka pisa shnong ban jamin ia u sordar u Bah Peter Lawai.
Haba kren ha kane ka jingialang paidbah shuwa ban iaid paidbah ka long ba dei ma ka kaba la leit ban ai ka ia ka jingujor sha ki pulit ha ka 4 tarik mynta u bnai ha dienb a kala ioh ia ka jingtip ba u Sordar shnong u kwah ban pyniasuk ia kane ka jingjia kaba ktah mat iong ia ka imlang shalang.
Kumba ka long mynta kala ioh sngew ba ka shnong kan sa pynlut n aka pisa shnong ban ia leh ban pynlait Jamin ia u Sordar shnong ha kaba ka kan nym ai lad da lei lei ruh em, Ha kane ka jingialang paidbah kala ong ba mynta kala shah pharep laiphew jaid.
Halor kane ka jingpharep kala ong “ Lada nga la leh ia kano kano ka jingbakla, lane lada nga la bat bor shynrang iano iano u ujor sha ki pulit bad phah kem ia nga”. Kala ong kum ba juh long man ka snem la juh pyrta shnong ban ia rakhe ia ka Khristmas bad snem thymmai da ka jingjai jai bad kane ka jingpyrta ka mih na ka hukum jong ka dorbar shnong.
Ha ka juh ka rukom ha kaba ka mih ka jingshah leh beijot ia ki kynthei ha shnong ha thaw la dei ban pynjari da ka hukum shnong ba ia ki nongleh kam sniew dei ban aiti sha ki pulit, hynrei kaei kaba la jia ka long ba u sordar shnong u kwah ban pyniasuk bad tap eit miaw ia kane ka jingjia dei ha dien ka saw tarik ba kala ai jingujor ba ka sa mih ka jingshah kem ia kiba don kti ban leh ia ka kam sniew bad kiba kwah ban buh rieh.
