Shillong, Jylliew 11: U Chief Executive Member jong ka Khasi Hills Autonomous District Council u Bah PN Syiem u la iathuh ba kila tip ba ka pisa kaba dei ki lai tylli ki Autonomous District Council jong ka jylla Meghalaya kaba la mang kyrpang da ka sorkar pdeng kala don bad ka sorkar jylla.
Dei halor ka jong kane ba ka KHADC kala khot ia ki para nongmih khmat ba kin phah ia ki skhim, ha kaba ka KHADC kala dep ban phah sha ka sorkar hynrei haduh mynta na ka liang jong ka sorkar kam pat pynlait ia ka pisa kaba dei ka jong ki District Council.
Haba jubab ia ki jingkylli na ka liang jong u CEM u la ong ba ia mynta kam shym don kano kano ka jingthmu bankhot ia ka jingialang jong ki CEM ban ia kren halor kane ka jing bym pat pynlait ka sorkar ia ka pisa kaba la mang na ka bynta jong ki District Council.
Lah ban kdew hangne ba na ka liang jong u Conrad K Sangma MP jong ka Tura u la leit ban ujor sha ka Niti Ayok ba ka sorkar jylla kam pat pynlait ia kane ka pisa kaba dei jong ki District Council ha ka jylla Meghalaya kaba la kot sha ka T270 klur tyngka.
