Shillong, Naitung 08: U Bah D K Wahlang Chairman jong ka Joint Action Committee (JAC) jong lem bad ki dkhot jong ka seng khasi, u la ong ba ba “ Ngim ithuh ia kata ka seng khasi hima Mawsynram” kaba la paw ha ki kot khubor ha kaba u Bah Tyllilang Myrthong u long u president bad u bah Batista kum u Secretary.
Haba kren ha ki nongthoh khubor mynta ka sngi ha Shillong Press Club, u Bah Wahlang u la ong ba ka jingwan ka jong ki ban pynshai ka long ba ka seng khasi ka dei kaba seng kaba pynnneh pynsah ia la ki jong ki riti ki dustur bad ka niam ka rukom, hynrei kim don bynta ei ei bad kata ka seng khasi hima Mawsynram.
La pynshai ruh ba kum ka seng khasi kaba don hapoh ka hima Mawsynram kaba kyntup ia ka Nongrum Mawsynram, Khliehshnong Mawsynram, Lawbah, Mawkaphan, Syntein Kenbah bad Jympait kim don jingtip ei ei ruh em halor ka jingthoh ban dawa na ka MBOSE ban weng noh ia ki katto katne lynong na ka kot “Dienjat ki longshuwa”.
Haba ia dei bad kaq jingkam trai jong ka Seng Khasi Hima Mawsynram ia ka krem Mawjymbuin , na ka liang jong ka JAC kam lah ban ong ei ei halor kane, hynrei ai ki dei kin ai ia ka jingpynshai, u bah Wahlang bad u Bah Loniak Sawkmie ki pynsngew ba ka jingwan jong ki mynta ka sngi ka long beit ba kum ka seng khasi, kam ithuh ia kata ka seng khasi hima Mawsymram.
