Shillong, Jylliew 9: U Rangbah shnong jong ka shnong Nonghyllam u Bah John Justick Hashah, u la ong “ Ngim kwah burom, ki paidbah ki kwah surok”.
Katkum ka jingiathuh jong u tei u Rangbah shnong Nonghyllam kaba don hapoh jong ka South West Khasi Hills District, kaba hap ha ka thain Borsora, la ong ba ka sorkar kala ai ban trei sha ki ar ngut ki kontraktor ia ka surok na jingkieng Ranikor sha Nongjri.
Ia ka surok na Jingkieng Ranikor sha Laidlad la ai ha u Bah Dengbor bad ia ka surok na Laidlad sha Nongkri la ai ha u Bah Rocky Dkhar,hynrei kine baroh ar ngut ki kontrator kila pynslem ia ka jingtrei haduh ba ki paidbah katei ka thain kila poi ha ka jingeh ha ka leit ka wan.
U Bah Hashah u la kyntu ia u MLA jong kane ka jaka u Bah Martin M Danggo ba un ia kren bad ki bor sorkar ban kyntu ia kitei ki ar ngut ki kontrator ba kin trei ia ka kam ym ban sngeh trei kumba ka long mynta ka jingsuki ka kam ka long kaba la palat shisha.
Ki paidbah kiba don sha katei ka thain Nongjri ki ia kynduh jingeh shisha ha ka leit ka wan, kum u rangbah shnong jong kawei na ki shnong u kyntu ia ka sorkar ba lada kine ki kontrak tor kiba la ai ti ba kin pyntrei ia ka kam kim lah ban trei ka dei ban bthah ia ki ba ki dei ban trei noh bad lada kim lah dei ban weng ia ki, la ong u Bah Hashah.
