Shillong, Risaw 16: Ka kong Telinia Thangkhiew kala ong ba kum ka party HSPDP kam pat don kano kano ka jingiakren ban leit kyrshan ia ka People Democratic Front (PDF) hapoh ka jingialam jong u Bah PN Syiem kum u CEM hapoh jong ka KHADC.
Haba jubab ia ki jingkylli ka kong Thangkhiew kala ong ba kum ka party kala ioh ia ka jingkylla kynsan ka sain pyrthei hapoh jong ka KHADC, hynrei kum ka party kim pat don kano kano ka jngiakren, la ban kyrshan ne ban nym kyrshan ia kane ka EC kaba mynta.
Ia mynta ka HSPDP ka don ar ngut ki MDC kiba khlem don hapoh jong ka PDF, ka kong thangkhiew bad u Bah Pyniaidsing Syiem. Ki thymmei khubor ki iathuh ba na ka liang jong ka PDF kala phah briew ban ia kren bad ki ban kyrshan ia ka EC.
