Shillong, Nailur 14: Na ka daw jong ka jingjur palat jong u slap ha kine ki lai sngi lynter ka jingkieng iaid kali ha Rongdik kaba don hapoh South Garo Hills District kala shah rong noh ha ka Umsaw ha ka por miet. Kane ka surok kadei kaba pyniasoh ia ki shong kiba don ha ki bynta jong ka Siju bad ki Baghmara kaba dei ka nongbah jong ka South Garo Hills District.
U Additional Deputy Commissioner jong ka South Garo Hills District, U AM Sangma ha kaba kren ha u SP News Agency u la iathuh ba kane ka jingshah rong kane ka jingkieng iaid kali kala jia mynne mynmiet bad kane ka dei tang ma ka ka jingkieng kaba pyniasoh ia ki shnong kiba don ha bi bynta jong ka Siju bad ka Baghmara.
Ki shnong kiba shah ktah na kane ka jingdukut jong kane ka jingkieng ki long palat ia ka san phew tylli ki shnong ha baroh ar liang jong ka jingkieng. Na ka liang jong ka PWD Department ka hap ban leh ei ie na ka bynta ka leit ka wan jong ki paidbah hapoh jong kitei ki shnong namar dei tang kane ka jingkieng kaba pyniasoh ia ki paidbah ka thain Siju bad ka Baghmara.
