Shillong, Naiwieng 06: Ki shipai BSF kiba don ha Jaintia Hills kila pynlong ia ka jingsam dawai ei ha ka shnong Byndihat hapoh East Jaintia Hills ha kaba palat ia ka 660 ngut ki briew kila ioh jingiarap na kane ka kynhun shipai. Na kine kiba la ioh jingsumar 350 ngut ki dei ki khynnah.
Ha kane ka sngi la sam ruh ia ki miej ki shuki sha ka Sacred Heart Senior Secondary School, ha kane ka sngi kala don ruh ka jingpdiang burom na ka liang jong ki khynnah skul . Ha kane ka sngi la don ruh ka jingiamir jingmut hapdeng ki paidbah bad ki nongshong shnong ha kaba ia dei bad ka koit ka khiah.
U Bah Justin Dhkar MLA, Khliehriat, u Sultan Ahmad, DIG SHQ Jowai, u Bah R W Lyngdoh, IAS, Dy Commissioner, East Jaintia Hills, ka kong R S Manners, ADC, East Jaintia Hills, u T G Simte, Comdt SHQ Jowai, Dr Wilson K, Comdt, CMO, Dr (Mrs) Menka Bharti, 2IC, CMO, Shri Annu T P , 2IC, u L Sangma, MPS, Addl SP, East Jaintia Hills ruh kila ia don lang ha kane ka sngi.
Ha kane ka sngi ki rangbah shnong ka thain Byndhihat ruh kila ia don lang bad ki la ai ka jingiaroh ia ki shipai BSF ba kila lah ban noh syniang sha ka dong bad ka thain kaba dang sah dien da kaba ai jingsumar ei ia ki paidbah kane ka long ban wan rah ia ka jingiajan hapdeng ki paidbah bad ki shipai kiba da ba ker ia ka Ri.
