Shillong, Nailar 18: ka All Meghalaya Malaria programme worker Association (MPW) male mynta ka sngi kila phah da ka jingthoh sha u Deputy Commissioner jong ka East KHasi Hills ban pan jingbit na ka bynta ban pynlong ia ka jingiakhih, ban shah thngan kaba khlem buh por.
Ban pynkynmaw ba kane ka seng kala dep ban pynlong ia ka jingshah thngan lai sngi lynter ha khmat ka ophis jong ka Malaria ban dawa na ka sorkar ba ka dei ban pdiang biang ia ki ha ka kam hynrei na ka liang jong ka sorkar haduh mynta kam shym leh ei ei ha kaba ia dei bad kane ka jingdawa ka jong ki.
Na ka liang jong katei ka seng kam ban se ban beteng biang ia ka jingiakhih ka jong ki da kaba kin sdang biang ia ka jingshah thngan kaba khlem buh por naduh ka 23 tarik mynta u bnai.
