Tura, Naitung 14: ka long kmie kaba la shah leh beijot ha ki riew sniew ha ka shnong Pipulbari, ha khappud ka jylla Meghalaya bad ka jylla Assam haduh mynta ka sngi kam pat kyndit bynriew ia ka la rah sha kawei na ki hospital ha Dhubri ban phah sumar.
Ki pulit jong ka jylla Meghalaya kila lap ia kane ka long kmie kaba la ialer na jan suro ha jan jong ka khlaw kaba don ha ka shnong Tangoan kaba hap hapoh jong ka Mankachar police station ha ka sngi u blei.
Ki pulit kane ka jylla kila pyntip sha ki pulit jong ka jylla Assam bad la rah ia ka sha Hatsingimari public health centre bad mynta ka sngi la rah ia ka sha ka Dhubri civil hospital ban phah sumar. U superintendent jong ki police, Dhubri u Mridulananda Sharma u la ong ba la dep ban register ia kane ka mukotduma bad ka jingthohkit ka dang iaid sha khmat.
Wat la ki pulit kila suba ia ki briew kiba don kti ha kane ka kam runar katkum ka jingiathuh jong katei ka long kmie hynrei haduh ba thoh ia kane ka khubor kam pat don kano kano ka jingkem ia ki briew kiba don kti ha kane ka kam runar.(SP News)
